कक्षा १२ को ग्रेडवृद्धि परीक्षा असोज ३० र ३१ गते हुने

काठमाडौं । राष्ट्रिय परीक्षा बोर्डले कक्षा १२ को ग्रेडवृद्धि परीक्षा असोज ३० र ३१ गते सञ्चानलन गर्ने भएको छ । शुक्रबार भक्तपुरमा आयोजित कक्षा १२ को नतिजा प्रकाशन कार्यक्रममा बोर्डले असोज अन्तिममा ग्रेडवृद्धि परीक्षा सञ्चालन गरिने जनाएको हो ।

शुक्रबार प्रकाशित नतिजा अनुसार नन ग्रेडेड अर्थात कुनै पनि ग्रेड नल्याउने परीक्षार्थीको संख्या भने १ लाख ८८ हजार ४ सय १० जना रहेका छन् । दुई विषयमा ननग्रेडिङ (एनजी) आउने परीक्षार्थीले असोजको अन्तिममा हुने परीक्षामा सहभागी हुन पाउने राष्ट्रिय परीक्षा बोर्डका सदस्यसचिव दुर्गाप्रसाद अर्यालले जानकारी दिए ।