रवि दाइ ! घण्टीको समर्थन गर्नलाई लौरोको विरोध गर्नैपर्ने हो र ?

अब पुराना दल र तिनका नेताभन्दा खराब अनि घाँडो भकै हो त घण्टीको लागि लौरो ? हामीले कहिले पनि घण्टी र घण्टीको नेतृत्वको विरोध गरेका छैनौं किनकी नयाँ तथा वैकल्पिक शक्तिहरू एकअर्कोमा भिड्नु हुन्न आरोप-प्रत्यारोपमा उत्रिन हुन्न भन्नेमा हामी सचेत छौं र यो हाम्रो संस्कार पनि हैन । यसपटक हामी सबै स्वतन्त्र र वैकल्पिक शक्ति मिलेर पुराना बाहरूलाई स-सम्मान विस्थापित गर्नुछ भने देशमा व्याप्त भ्रष्टाचार, अराजकता, नातावाद, कुशासन र फोहोरी राजनीतिलाई पन्छाउनु छ ।

हामी प्रस्ट छौ पटक-पटक मौका पाएर असफल भएका नेतृत्वबाहेक अरु ऊर्जावान, इमान्दार, रास्ट्रप्रेमी स्वतन्त्र तथा वैकल्पिक शक्ति र नयाँ घण्टीजस्ता दलहरू समेत एक भएर सहकार्य गरेर अघि बढ्नुको विकल्प छैन । हामी स्वतन्त्र, सक्षम र इमान्दार साथीहरूलाई मात्र समेट्ने गरी भर्खर जन्मिदै गरेको र वामे सर्न तर्खर गर्दै गरेको शक्तिलाई अर्को नयाँ दलकै केही परिचालित व्यक्ति र कार्यकर्ताहरूबाट निरन्तर आक्रमण हुनु दु:खद कुरा हो ।

अहिले पनि निरन्तर घनिभूतरूपमा सबै स्वतन्त्र र नयाँ वैकल्पिक शक्तिहरू एकठाउँमा आउनैपर्छ भनेर हामी लौरो अभियानको टिम इमान्दारिपूर्वक लागिरहेको अवस्थामा हुँदै नभएको गलत आरोपसहित हामीलाई घेराबन्दी गर्न खोज्नुले कतै पुरानै शक्तिको निरन्तरतामा रमाउन खोजेको हो कि भन्ने शंका जन्माएको छ ।

लौरोमा कुनै दलका सदस्यले भाग लिन बन्देज लगाएको र पूर्णरूपमा स्वतन्त्र र सक्षमले मात्र उम्मेदवार हुन पाउनेमा स्पष्ट छ । विद्यमान कानुन र निर्वाचन प्रणालीलाई बुझेर साझा चिन्ह, साझा उम्मेद्वार, साझा घोषणापत्र र सहकार्यको लागि कागजीरूपमा दल स्थापना गर्नु हामी स्वतन्त्रहरूको बाध्यता हो । यस्को कुनै अरु दलजस्तो कार्यकर्ता र तल्लो कमिटी छैनन् । जनता र स्वतन्त्र उम्मेदवार नै लौरोका शक्ति हुन् । भविश्यमा नयाँ शक्तिको रूपमा प्रतिनिधिसभा तथा प्रदेशसभामा विजय भएर आएका स्वतन्त्रहरूले नै स्वतन्त्र र वैकल्पिक धारको दल निर्माण गर्ने बाटोसमेत लौरोले खुल्ला गरिदिएको छ ।

आरोप लगाउने र अर्काको नराम्रो भन्नुभन्दा पनि विचार र मुद्दा मिल्नेहरू सहकार्यको टड्कारो आवश्यक छ ।

पुरानो राजनैतिक दलजस्तो एक अर्कालाई भक्कु खेदो र गाली गर्ने संस्कार हामी नयाँ स्वतन्त्र युवा तथा वैकल्पिक शक्ति र नयाँ दलमा आस्था राख्नेहरूले त गर्नै हुँदैन ।

देश र जनताको चाहना अनुकूल विकास निर्माणसँगै हामीले फोहोरी राजनीतिलाई पनि सफा गर्नुछ त्यसैले अरु दलकै शैलीमा घण्टीलगायतका नयाँ दलले अपनाउनु हुन्न । आदरणीय रवि लामिछाने दाइ र उहाँको अन्य राम्रो उम्मेदवारको जितको लागी हामी पनि सकेको सहयोग गर्न चाहन्छौं गर्ने नै छौं । बाहिरबाट विरोध गरेरभन्दा भित्र छलफल गरेर सहकार्य र एकताको पहल गरौं त्यसका लागि हरदम हामी खुला छौं ।

जय लौरो । जय मातृभूमि ।

(लेखक कार्कीले काठमाडौं- २ मा स्वतन्त्र उम्मेदवारी घोषणा गरिसकेका छन् ।)