मुख्यमन्त्री राईलाई मातृशोक

काठमाडौं । प्रदेश १ का मुख्यमन्त्री राजेन्द्रकुमार राईलाई मातृशोक परेको छ ।

भोजपुर षडानन्न नगरपालिका- ११ झ्याउँपोखरी घर भएका राईकी आमा धनकुमारी राईको ८४ वर्षको उमेरमा विराटनगरस्थित मोरङ सहकारी अस्पतालमा उपचारको क्रममा निधन भएको हो ।

श्वासप्रश्वासलगायतका समस्याबाट ग्रसित राईको स्वास्थ्य समस्या जटिल बन्दै गएपछि राईको विराटनगरस्थित मोरङ सहकारी अस्पतालको अहिले उनको पार्थीव शरीरलाई श्रद्धाञ्जलीका लागि मोरङ सहकारी अस्पतालकै प्राङ्गणमा राखिएको छ ।

आजै अन्तिम संस्कारका लागि भोजपुर लगिने सचिवालयले जनाएको छ ।

स्वर्गीय धनकुमारी राईको कान्छा छोरा मुख्यमन्त्री राजेन्द्रकुमार राईसहित पति, तीन छोरा र एक छोरी छन् ।

नेकपा एकीकृत समाजवादीका अध्यक्ष माधवकुमार नेपाललगायतले मुख्यमन्त्री राईको आमाको निधनप्रति दु:ख जनाउँदै परिवारजनमा समवेदना व्यक्त गरेका छन् ।