नेकपा एसका केन्द्रीय सदस्य डा. चापागाईँ एमालेमा फर्किए

रुपन्देही । नेकपा एकीकृत समाजवादीका केन्द्रीय सदस्य तथा अर्थ विभागका उपप्रमुख डा. बालकृष्ण चापागाईँ नेकपा एमालेमा फर्किएका छन् ।

आइतबार बिहान नेकपा एमालेका अध्यक्ष केपी शर्मा ओली, उपाध्यक्ष विष्णु पौडेललगायतका नेताले उनलाई स्वागत गरेका छन् ।

बुटवलमा स्थायी घर भएका चापागाईँ प्रेस चौतारीको दुई कार्यकाल केन्द्रीय अध्यक्ष तथा राससको कार्यकारी अधयक्ष भइसकेका छन् । एमाले विभाजनसँगै नेकपा एसमा लागेका चापागाईँ पछिल्लो समय गतिहीन कम्युनिष्ट पार्टीमा बस्न आवश्यक नभएको भन्दै पार्टीभित्र असन्तुष्ट जनाउँदै आएका थिए ।

केही समयअघि चापागाईँलाई हटाएर राजु गुरुङलाई पार्टीले रुपन्देही इन्चार्ज बनाएपछि समाजवादीभित्र मनमुटाव सुरू भएको थियो ।