मेला हेर्न आएका युवक नक्कली नोटसहित पक्राउ
नेपाल प्रेस
२०७९ भदौ २७ गते १२:२५
सांकेतिक तस्वीर
सिरहा । बरियारपट्टी गाउँपालिका-१ बडहरीबाट नेपाली रूपैयाँ ५ सय दरको ४ थान नक्कली नोट सहित भारत घर भएका १९ वर्षीय राजु सहनीलाई आइतबार राति प्रहरीले पक्राउ गरेको छ ।
बडहरीस्थित दशगजामा लागेको ईन्द्र पूजा मेला हेर्न आएका राजुलाई प्रहरी चौकी कचनारीबाट खटिएको प्रहरीले जाँच गर्ने क्रममा उनको साथबाट उक्त नक्लकी नोट फेला पारी पक्राउ गरेको हो ।
साथै प्रहरीले उनी सवार बीआर ३२ एएफ ५१०१ नम्बरको मोटरसाइकल समेत बरामद गरेको छ । प्रहरीले थप अनुसन्धान गरिरहेको छ ।
नेपाल प्रेस
प्रकाशित: २०७९ भदौ २७ गते १२:२५
प्रतिक्रिया
सम्बन्धित खवर
