प्रचण्ड भन्छन्–सुन्धारामा नेता कार्यकर्ताको भीडले हिँड्नै गाह्रो छ (भिडिओ)

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले उम्मेदवारीका लागि देशभरका नेता कार्यकर्ता काठमाडौं केन्द्रीत भएको बताएका छन् ।

पार्टी कार्यालय पेरिसडाँडामा आज पार्टीको विज्ञान तथा प्रविधि विभागद्वारा आयोजित राष्ट्रिय विज्ञान दिवस कार्यक्रममा बोल्दै उनले यस्तो बताएका हुन् ।

‘भोलि समानुपातिकको बन्द सूची बुझाउनु छ निर्वाचन आयोगमा । देशैभरीबाट करिब–करिब राजनीतिक पार्टीका नेताकार्यकर्ता निकै ठूलो जमघट चाही भएको छ,’ उनले भने, ‘मैले सुनेको सुन्धारा वरीपरी हिँड्नै पनि गाह्रो भएको छ अरे ।’

आफ्नो पार्टीबाट समानुपातिकका उम्मेदवारहरूको सूचि लगभग तयारी अवस्थामा रहेको पनि उनले बताए । ‘हामी पनि त्यसलाई अन्तिम रूप दिने प्रक्रियामा छौं । त्यसले गर्दा मेरो त्यतातिर नै व्यस्तता छ,’ उनले भने ।