ब्युटिसियनहरुलाई ओरिफ्लेमको सम्मान

काठमाडौ । स्वेडेन कस्मेटिक्स ब्राण्ड ओरीफ्लेमको नेपाल स्थित आधिकारिक विक्रेता एजी इन्टरनेशनल प्राइभेट लिमिटेडले सौन्दर्यकला व्यवसायी (ब्युटिसियन)हरुलाई सम्मान गरेको छ । ओरीफ्लेमले सोमबार काठमाडौमा आयोजना गरेको कार्यक्रममा चर्चित व्युटिसियन कमला श्रेष्ठलाई एडभान्स ग्रुपका अध्यक्ष अरुण कुमार कर्णले दोसल्ला ओढाएर सम्मान गरेका थिए ।

यसैगरी कार्यक्रममा ओरीफ्लेम मिस युनिभर्स नेपाल २०२२ सोफिया भुजेल, रनर अपहरु र ख्यातिप्राप्त व्युटिसियनहरु सम्मानित भएका थिए । व्युटिसियनहरुलाई यस प्रकारको सम्मानले व्युटिसियनहरु प्रोत्साहित हुने एवं सौन्दर्य व्यवसाय मा उत्साह बढने सम्मानित कमला श्रेष्ठ बताइन् ।
ओरीफ्लेम अन्तरास्ट्रिय स्तरमा ख्यातिप्राप्त प्राकृतिक सौन्दर्य प्रशाधन हो ।