इरानमा हिजाबविरुद्ध व्यापक प्रदर्शन, प्रहरीले हस्तक्षेप गर्दा ५ जनाको मृत्‍यु (भिडिओ)

काठमाडौं । इरानमा महिलाहरुले हिजाब लगाउन पर्ने बाध्यकारी व्यवस्था लागु गर्दै ‘मोरल पोलिसिङ’ गरिएको भन्दै यसका विरुद्धमा प्रदर्शनमा उत्रिएका महिला र प्रहरीबीच झडप हुँदा पाँच जनाको मृत्‍यु भएको छ झण्डै सय जनाको घाइते भएका छन् ।

उक्त प्रदर्शन पश्चिमी इरानको कुर्दिस्तान भन्ने क्षेत्रमा भएको हो । यस ठाउँका नागरिकले उक्त क्षेत्रलाई छुट्टै राष्ट्र घोषणा गरिनु पर्ने मागसमेत राख्दै आएका छन् । हालै मात्र सो क्षेत्रबाट शीर नढाकेको आरोपमा प्रहरीले एक २२ वर्षीया महिलालाई नियन्त्रणमा लिएको थियो ।

उनको गत सेप्टेम्बर १६ मा प्रहरी हिरासतमै मृत्‍युसमेत भएको थियो । उक्त घटनापछि इरानमा ‘मोरल पोलिसिङ’ विरुद्दको आन्दोलन थप व्यापक बन्दै गएको छ ।

हिजाबलाई अनिवार्य नभई वैकल्पिक बनाउन पर्ने उनीहरुको माग छ । इरान प्रजातान्त्रिक मुलुक भनिए तापनि इरानमा सर्वोच्च धार्मिक नेता अयातोल्लाह खामेनीको शाषण चल्छ । प्रदर्शनकारीहरुले उनीविरुद्द नाराबाजी गरेपछि प्रहरीले ‘फायरिङ्ग’ सुरु गरेको अन्तर्राष्टिय संचार माध्यमहरुले जनाएका छन् ।

Do you really want to know how Iranian morality police killed Mahsa Amini 22 year old woman? Watch this video and do not allow anyone to normalize compulsory hijab and morality police.

The Handmaid’s Tale by @MargaretAtwood is not a fiction for us Iranian women. It’s a reality. pic.twitter.com/qRcY0KsnDk

— Masih Alinejad 🏳️ (@AlinejadMasih) September 16, 2022