नागरिकता विधेयकबारे सञ्चारमन्त्री कार्की : संविधानत राष्ट्रपतिले प्रमाणीकरण गर्नुपर्छ, गर्नुहुनेछ

काठमाडौं । सरकारका प्रवक्ता एवम् सञ्चारमन्त्री ज्ञानेन्द्रबहादुर कार्कीले राष्ट्रपतिले नागरिकता विधेयक प्रमाणीकरण गर्नैपर्ने बताएका छन् । आज प्रधानमन्त्रीको सरकारी निवास बालुवाटारमा बसेको गठबन्धन दलहरुबीचको सिट बाँडफाँटबारेको छलफलपछि उनले यस्तो बताएका हुन् ।

राष्ट्रपतिले विधेयक प्रमाणीकरणका विषयमा सञ्चारकर्मीले सोधेको जिज्ञासामा उनले भने, ‘राष्ट्रपतिजीले संविधानत प्रमाणीकरण गर्नुहुन्छ भन्ने कुरामा हामीलाई विश्वास छ । आज अन्तिम दिन हो, अझै पनि टाइम छ हेरौं ।’

यदि प्रमाणीकरण नगरे के हुन्छ भन्ने प्रतिप्रश्नमा कार्कीले थपे, ‘म तपाईंहरुलाई फेरि दोहोर्याएर भन्न चाहन्छु संविधानत राष्ट्रपतिले प्रमाणीकरण गर्नुपर्छ, गर्नुहुनेछ भन्ने विश्वास मैले लिएको छु ।’