वीर अस्पतालअगाडिका फार्मेसीमा महानगरले लगायो डोजर (तस्बिर/भिडिओ)
२०७९ असोज ६ गते १४:४७
काठमाडौं । काठमाडौं महानगरले वीर अस्पताल अगाडिका अवैध टहरा भत्काएको छ । यहाँ औषधी पसलहरू सञ्चालनमा थिए । नक्सा पास नगरी बनाइएका संरचना हटाउने क्रममा महानगरले डोजर लगाएर यहाँको टहरा भत्काएको छ ।
फार्मेसी हटाउन महानगरले आज दिउँसो १ बजेसम्मको अल्टिमेटम दिएको थियो । उक्त समयावधिमा पसल र टहरा नहटाइएपछि महानगरले डोजर लगाएर भत्काएको हो ।
फार्मेसी सञ्चालकहरूले औषधि सार्न समय मागेका थिए । तर, यसअघि दिएको म्यादमा अटेर गरेपछि नगर प्रहरी डोजर लिएर पुगेका छन् ।
वीर अस्पतालअघिका अनधिकृत टहरामा आधा दर्जनजति औषधि पसल सञ्चालनमा छन् ।
प्रकाशित: २०७९ असोज ६ गते १४:४७
प्रतिक्रिया
सम्बन्धित खवर
