दाङमा मोटरसाइकलको ठक्करबाट पैदलयात्रुकाे मृत्यु
नेपाल प्रेस
२०७९ असोज ९ गते ८:३९
दाङ । दाङको तुलसीपुर उपमहानगरपालिका -६ मा हिजो बेलुकी मोटरसाइकलको ठक्करबाट पैदलयात्री पुरुषको मृत्यु भएको छ ।
मृत्यु हुनेमा दाङकै दंगिशरण गाउँपालिका ४ वैवाङका ५९ वर्षीय शालिकराम वली रहेका छन् । गम्भीर घाइते भएका उनको उपचारका क्रममा राप्ती प्रादेशिक अस्पताल तुलसीपुरमा मृत्यु भएको हो ।
तुलसीपुरबाट गुम्राह चोकतर्फ जाँदै गरेको रा १ प ८६२३ नम्बरको मोटरसाइकलले हिजो बेलुकी ७ बजे पैदल हिडिरहेका उनलाई ठक्कर दिएको हो । सामान्य घाइते भएका मोटरसाइकल चालकलाई उपचार पश्चात् ईलाका प्रहरी कार्यालय तुलसीपुरले नियन्त्रणमा लिएको छ ।
नेपाल प्रेस
प्रकाशित: २०७९ असोज ९ गते ८:३९
प्रतिक्रिया
सम्बन्धित खवर
