करिब १० लाख भ्रष्टाचार गरेको आराेपमा गाविस सविचसहित दुई जनाविरुद्ध भ्रष्टाचार मुद्दा
नेपाल प्रेस
२०७९ असोज ९ गते १५:४५
काठमाडौं । अख्तियार दुरुपयोग अनुसन्धान आयोगले धनुषाको साविक चक्कर गाविसका सचिव राम रतन मण्डलसहित दुई जना विरुद्ध भ्रष्टाचार मुद्दा दायर गरेको छ ।
उनीहरुले ९ लाख ७६ हजार ९०० रुपैयाँ भ्रष्टाचार गरेको ठहर गर्दैैै अख्तियारले आज विशेष अदालत काठमाडौंमा मुद्दा दायर गरेको हो ।
मुद्दा दायर गरिएका अन्यमा धनुषाको साविक चक्कर गाविस-२ हाल औरही गाउँपालिका–६ बस्ने नागेन्द्र भन्ने रंजित साह रहेका छन् ।
दायर गरिएको मुद्दामा दुवै जनासँग ९ लाख ७६ हजार ९०० रुपैयाँ बिगो दाबी गरिएको छ ।
विभिन्न वडाहरुका सडकमा माटो पुर्ने र ग्राभेलको काम गर्दा उनीहरुले भ्रष्टाचार गरेको अनुसन्धानमा देखिएको अख्तियारले जनाएको छ ।
नेपाल प्रेस
प्रकाशित: २०७९ असोज ९ गते १५:४५
प्रतिक्रिया
सम्बन्धित खवर
