मनास्लु हिमपहिरोमा हराइरहेका सबै १० जनाको सकुशल उद्धार

काठमाडौं । मनास्लु हिमाल आरोहणका क्रमभा सोमबार बिहान गएको हिम पहिरोमा परेर हराइरहेका सबै १० जनाको सकुशल उद्धार भएको छ।

गोरखा प्रहरी प्रमुख केदार खनालले उद्धार गरिएकामध्ये ६ जनाको उपचारका लागि काठमाडौं पठाइएको र सबैको अवस्था खतरामुक्त रहेको बताए। पहिरोमा ज्यान गुमाएका एक जनाको भने शव ल्याउने काम भइरहेको उनले जानकारी दिए।

‘हराइरहेका सबै जनाको उद्धार भइसकेको छ’, उनले भने। क्याम्प–३ बाट क्याम्प–४ जानेक्रममा हिम पहिरो गएको थियो।

यसपटक मनास्लु हिमाल आरोहणका लागि ३ सय ५० जना भन्दा बढी स्वीकृती लिएर त्यहाँ पुगेका थिए। खराब मौसमका कारण उद्धारमा कठिनाई भएको थियो।