लुम्बिनीमा कुन क्षेत्रमा कति मतदाता ? यस्तो छ आयोगको तयारी

रामप्रसाद आचार्य

२०७९ असोज १२ गते ११:३२

रुपन्देही । निर्वाचनको मिति नजिकिएसँगै राजनीतिक दलहरुले हरेक क्षेत्रमा आफ्नो सक्रियता बढाएका छन् । निर्वाचन आयोगले पनि आफ्नो काम अघि बढाएको छ । प्रतिनिधिसभातर्फ २६ र प्रदेशसभातर्फ ५२ क्षेत्र रहेको लुम्बिनीमा मंसिर ४ गते हुने निर्वाचनमा लुम्बिनीका करिब साढे ३२ लाख मतदाताले मतदान गर्नेछन् ।

प्रदेश निर्वाचन कार्यालय दाङका अनुसार प्रदेशका १२ जिल्लाका ३२ लाख ४९ हजार ६३७ मतदाता मंसिर ४ गते हुने निर्वाचनमा सहभागी हुन पाउँछन् । कार्यालयका सूचना अधिकारी गेहेन्द्र कुँवरका कुल मतदातामध्ये पुरुष १६ लाख ३७ हजार १३२, महिला १६ लाख १२ हजार ४७१ र अन्य ३४ जना रहेका छन् ।

लुम्बिनीमा सबैभन्दा बढी निर्वाचन क्षेत्र रहेको जिल्ला रुपन्देही हो । यहाँ प्रतिनिधिसभातर्फ ५ र प्रदेशसभातर्फ १० वटा निर्वाचन क्षेत्र रहेका छन् । रोल्पा, रुकुम पूर्व, प्यूठान र अर्घाखाँचीमा प्रतिनिधिसभातर्फ एक/एक वटा र प्रदेशसभाका दुई/दुई वटा निर्वाचन क्षेत्र रहेका छन् ।

आयोगले निर्वाचनको लागि प्रदेशभर १ हजार ६४९ मतदानस्थल र ३ हजार ८६१ मतदान केन्द्र तय गरेको छ ।

कुन क्षेत्रमा कति मतदाता ?

रुपन्देही

१ (क) ७२,२११
१ (ख) ६७,३४९

२ (क) ६३,५०३
२ (ख) ६३,३०४

३ (क) ६५,५१३
३ (ख) ६७,२७८

४ (क) ५३,३८९
४ (ख) ५७,२७०

५ (क) ७४,६५९
५ (ख) ५४,४७६

बाँके

१ (क) ५५,८४५
१ (ख) ६५,२५५

२ (क) ५०,३१३
२ (ख) ४७,४९६

३ (क) ६१,५९६
३ (ख) ५१,७२६