माओवादीका सांसद छक्कबहादुर लामा एमालेमा प्रवेश
नेपाल प्रेस
२०७९ असोज १७ गते १२:००
काठमाडौं । नेकपा (माओवादी केन्द्र) का नेता तथा हुम्लाबाट निर्वाचित सांसद छक्कबहादुर लामा नेकपा एमालेमा प्रवेश गरेका छन् । बालकोटमा अध्यक्ष केपी शर्मा ओली, उपमहासचिव प्रदीप ज्ञवालीलगायतका नेताले लामालाई खादा तथा टीका लगाएर पार्टीमा स्वागत गरे ।
२०७४ सालको निर्वाचनमा माओवादीबाट टिकट नपाएपछि वाम गठबन्धनको बागी उठेर सांसद जितेका लामा चुनावपछि तत्कालीन नेकपा हुँदै माओवादीमा फर्किएका थिए ।
२०४८ सालमा तत्कालीन संयुक्त जनमोर्चाबाट निर्वाचित भएका लामा जिल्लाका प्रभावशाली र लोकप्रिय नेता मानिन्छन् ।
उनीसहितको टिमलाई एमालेले प्रवेश गराएर टिकट दिन लागेको छ ।
यसअघि नै जिल्लाका प्रभावशाली माओवादी नेता छिमी लामाको टिम एमालेमा प्रवेश गरिसकेको छ ।
तस्बिर : उमेश कार्की ।
नेपाल प्रेस
प्रकाशित: २०७९ असोज १७ गते १२:००
प्रतिक्रिया
सम्बन्धित खवर
