ओलीको दसैँ दमकमा, बुबाको हातबाट टीका ग्रहण गर्दै
नेपाल प्रेस
२०७९ असोज १९ गते ७:१२
फाइल फाेटाे
काठमाडौं । नेकपा एमालेका अध्यक्ष तथा पूर्वप्रधानमन्त्री केपी शर्मा ओली झापा पुगेर दसैँ मनाइरहेका छन । झापाको भद्रपुर नगरपालिका पृथ्वीनगरमा बुबा मोहनप्रसाद ओलीको हातबाट अध्यक्ष ओलीले साइतको टीका ग्रहण गर्ने कार्यक्रम छ ।
तीन दिनअघि घर गएका ओलीले दमकस्थित निवासमा बिहान ११ बजेर ५१ मिनेटको शुभसाइको टीका बुबाको हातबाट ग्रहण गर्ने उनको निजी सचिवालयले जनाएको छ ।
विगत झैं यसवर्ष पनि उनी गृह जिल्ला झापा पुगेका छन् । उनको साथमा पत्नी राधिका पनि छन् ।
५१ सालदेखि बर्सेनि महानवमीको दिन पारेर ओलीले झापामा शुभकामना आदानप्रदान कार्यक्रम गर्दै आएका छन् ।
मंगलबार सिटी साइ पार्टी प्यालेस विर्तामोडमा शुभकामना आदानप्रदान कार्यक्रम राखिएको थियो । ओली आजै काठमाडौं फर्कने बताइएको छ ।
नेपाल प्रेस
प्रकाशित: २०७९ असोज १९ गते ७:१२
प्रतिक्रिया
सम्बन्धित खवर
