प्यूठानको फरन्डीमा पहिरो, एकै घरका ६ जना बेपत्ता
नेपाल प्रेस
२०७९ असोज २१ गते १६:१९
प्रतीकात्मक तस्वीर
रूपन्देही । प्यूठानमा पहिरोले घर बगाउँदा ६ जना बेपत्ता भएका छन् । माण्डवी गाउँपालिका ४ फरन्डीस्थित बमबहादुर बुढामगरको घर शुक्रबार दिउँसो पहिरोले बगाउँदा ६ जना बेपत्ता भएको वडा अध्यक्ष डिलबहादुर घर्तीमगरले जानकारी दिए ।
पहिरोमा बमबहादुरका श्रीमानश्रीमती, बुहारी र ३ जना बालबालिका बेपत्ता भएको वडा अध्यक्ष घर्ती मगरले बताए । नजिकै रहेका ३ घरपरिवारलाई अन्यत्र सारिएको छ ।
सडक अवरुद्ध भएका कारण करिब ३ घन्टासम्म उद्धारको टोली घटनास्थल पुग्न नसकेको प्यूठानका प्रमुख जिल्ला अधिकारी सुनिता नेपालले जानकारी दिइन् ।
सडक अवरुद्ध भएकाले नेपाली सेना, सशस्त्र प्रहरी र जनपथ प्रहरीको टोली बीच बाटोमै रोकिएको उनले बताइन्।
नेपाल प्रेस
प्रकाशित: २०७९ असोज २१ गते १६:१९
प्रतिक्रिया
सम्बन्धित खवर
