सल्यानमा पहिरोमा पुरिएर एकजनाको मृत्यु

रुपन्देही । सल्यानमा पहिरोमा परी एक जनाको मृत्यु भएको छ । शारदा नगरपालिका ८ मार्के ओर गाउँका १४ वर्षीय अजय बिकको पहिरोमा परी ज्यान गएको हो ।

हिजो बेलुका पहिरोमा परी हराइरहेका बिकको खोजतलास गर्ने क्रममा आज बिहान नेपाली सेनाले विकको शब फेला पारेको हो ।

घरबाट नाउला बजार जाँदै गर्दा बाटोमा आएको पहिरोमा पुरिएर मृत्यु भएको जिल्ला प्रहरी कार्यालय सल्यानका सूचना अधिकारी सन्तोष खनालले जानकारी दिए। सबलाई पोस्टमार्टमका लागि अहिले जिल्ला अस्पताल लगिएको छ ।