आम निर्वाचन ०७९ : प्रदेशसभा र प्रतिनिधिसभामा साढे ६ हजार समानुपातिक उम्मेदवार (भिडिओ)

काठमाडौं । आगामी निर्वाचनका लागि दलहरूले समानुपातिक तर्फ ६ हजार ४ सय ९३ जनाको नाम निर्वाचन आयोगमा बुझाएका छन् ।

निर्वाचन आयोगका अनुसार प्रतिनिधिसभामा ४८ दलका २ हजार ४३६ जनाको नाम आयोगमा पुगेको छ ।

यस्तै प्रदेशसभातर्फ प्रदेश नम्बर १ मा ३६ दलका ६६१, प्रदेश नम्बर २ मा ३६ दलका ९४८, बागमती प्रदेशमा ४१ दलका ८२५ जनाको नामावली आयोगमा छ ।

त्यसै गरी गण्डकीमा ३१ दलका ३६८, लुम्बिनीमा ३२ दलका ६५७, कर्णालीमा २८ दलका २२२ र सुदूरपश्चिममा ३४ दलका ३७६ जनाको समानुपातिक उम्मेदवारको नाम प्राप्त भएको आयोगले जनाएको छ ।

प्रमुख निर्वाचन आयुक्त दिनेश कुमार थपलियाले आज राति १२ बजेसम्म समानुपातिक सूचीमा आएका उम्मेदवारको नाम ‘फाइनल’ हुने बताए ।