दुई दिनदेखि पहिरोले अवरुद्ध भालुवाङ–प्युठान सडक अझै खुल्न सकेन
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/10/bhaluwan-pyeutjan.jpg)
रुपन्देही । दुई दिनदेखि पहिरोले अवरुद्ध भएको भालुवाङ–प्युठान सडक खुल्न नसक्दा दशैँमा गाउँ पुगेकाहरु गन्तव्यमा फर्कन पाएका छैनन् । शुक्रबार गएको पहिरो अहिलेसम्म पनि नखुल्दा यात्रुहरु ४८ घण्टादेखि बाटोमै अलपत्र परेका छन् ।
भालुवाङ–प्युठान सडकखण्ड अन्तरगत प्युठानको सरुमारानी गाउँपालिका वडा नम्बर ५ बड्डाँडा क्षेत्रमा पहिरो खस्दा सडक अवरुद्ध भएको लुम्बिनी प्रदेश प्रहरी कार्यालय दाङले जनाएको छ ।
ठाउँ–ठाउँमा पहिरो खसेको र अहिले पहिरो हटाउने काम भइरहेको प्रहरीको भनाइ छ । सरुमारानीको मोतिपुरमा खसेको ठूलो पहिरो हटाइएको भए पनि अन्य ठाउँमा पहिरो हटाउन अझै समय लाग्ने प्रहरीले जनाएको छ ।
बड्डाँडा नजिकै रहेको खहरे खोलामा आएको बाढीले अहिले सडक अवरुद्ध गरेको छ । बाटो नखुल्दा दशैँमा प्यूठान, रोल्पा पुगेकाहरु गन्तव्यमा फर्कन पाएका छैनन् ।