स्व. जोशी विश्वभरिका मानव समुदायलाई उत्प्ररेणाको स्रोत बनेर रहनेछन्: प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले शताब्दी पुरुष सत्यमोहन जोशीप्रतिश श्रद्धाञ्जली अर्पण गरेका छन् । शताब्दी पुरुष जोशीको १०३ वर्ष उमेरमा आइतबार बिहान निधन भएको थियो ।

जोशीको निधनमा श्रद्धाञ्जली विज्ञप्ति जारी गर्दै अध्यक्ष प्रचण्डले नेपाली कला, साहित्य र भाषा संस्कृतिलाई नेपाल र विश्वभर चिनाइ स्थापित गर्न जोशीले गरेको योगदान सम्पूर्ण नेपालीका लागि चीर स्मरणीय रहने उल्लेख गरेका छन् ।

‘१०३ वषएको उमेरमा पनि उहाँको सामाजिक क्रियाशीलता विश्वभरिका मानव समुदायलाई उत्प्ररेणाको स्रोत बनेर रहनेछ’, विज्ञप्तिमा उल्लेख छ, ‘नेपाल सरकार र नेपाली जनताले उहाँको योगदान र क्रियाशीलताको सदा उच्च सम्मान गरिरहनेछन् भन्ने मैले विश्वास लिएको छु ।’