धनतेरसको अवसरमा सुनचाँदी किन्नेको भिड (तस्बिरहरु/भिडिओ)

काठमाडौं । नेपालीहरुको दोस्रो ठुलो चाडको रुपमा मनाउँदै आइएको तिहारको संघारमा पर्ने धनतेरस पर्वको अवसरमा काठमाडौंको प्रमुख व्यपारिक स्थल न्युरोडका सुनचाँदी पसलहरुमा मानिसहरुको घुइँचो लागेको छ ।

कार्तिक कृष्ण त्रयोदशीका दिन मनाइने धनतेरस पर्वमा सुन, चाँदी, तामा आदि धातुका नयाँ भाँडाकुँडा किनेमा शुभ हुने जनविश्वास रहेका कारण आजको दिन सुनचाँदी पसलहरुमा मानिसहरुको भिड लागेको हो ।

धन्तेरसको दिनमा किनिएका भाँडाकुँडा तथा गर गहनाहरुलाई कार्तिक कृष्ण औँसीका दिन लक्ष्मीपूजा गरिन्छ । यसरी पूजा गरे पछित मानिसको जीवनमा लक्ष्मी स्थिर रुपमा रहने र आरोग्यता प्राप्त हुने विश्वास लिने गरिन्छ ।

धनतेरसका दिन सुनचाँदीको गहना किनेर ल्याउने प्रचलनसमेत छ । धन्तेरसलाई धन त्रयोदशी, भाण्ड त्रयोदशी लगायतका नामले पनि चिनिने गरिन्छ । हेर्नुस  तस्बिरहरु :