नेकपा एसनिकट मुक्ति समाजका केन्द्रीय उपाध्यक्षसहित एमालेमा प्रवेश

चितवन । नेकपा एकीकृत समाजवादीनिकट उत्पीडित जातीय मुक्ति समाजका केन्द्रीय उपाध्यक्ष चक्र रुचालसहित दुई दर्जन कार्यकर्ता नेकपा एमालेमा प्रवेश गरेका छन् ।

एमाले जिल्ला पार्टी कार्यलय भरतपुरमा आयोजित एक कार्यक्रममा रूचालसहितका नेकपा एसका नेता कार्यकर्तालाई एमाले स्थायी कमिटी सदस्य काशीनाथ अधिकारी, जिल्ला इन्चार्ज देवी ज्ञवाली, केन्द्रीय सदस्य यमबहादुर परियार, चितवन २ का प्रतिनिधिसभा उम्मेदवार कृष्णभक्त पोखरेल, एमाले जिल्ला अध्यक्ष रामप्रसाद न्यौपानेसहितका नेताहरूले स्वागत गरे ।

नेता रूचालले एमालेले लिएको नीति ठीक भएको भन्दै माधव नेपालको समाजवादी दल कांग्रेसको सहयोगी संगठनमात्रै भएपछि आफूहरू बाहिरिएको बताए ।