सन्दीपविरुद्ध अभियोग पत्र दर्ता
काठमाडौं । बलात्कार आरोपमा क्रिकेटर सन्दीप लामिछानेविरुद्ध मुद्दा दर्ता भएको छ । काठमाडौं जिल्ला सरकारी वकिल कार्यालयले जिल्ला अदालतमा आज अभियोग पत्र गरेको हो ।
सन्दीपविरुद्ध १० देखि १२ वर्ष कैद सजाय माग गर्दै अभियोग पत्र दर्ता भएको जिल्ला सरकारी वकिल कार्यालयले स्रोतले जनाएको छ ।
प्रहरीले तिहारअघि नै अनुसन्धान प्रतिवेदन बुझाए पनि तिहार र छठको बिदा सकिएर आजदेखि कार्यालय खुल्ने भएकाले अभियोग पत्र दर्ताको तयारी गरेको हो ।
सन्दीपविरुद्ध १७ वर्षीया किशोरीले बलात्कारको आरोप लगाएकी थिइन् । सन्दीप असोज २० देखि प्रहरी हिरासतमा छन् । अभियोग पत्र दर्ता भएपछि अदालतले सन्दीपको बयान लिनेछ । त्यसपछि हुने थुनछेक बहसपछि अदालतले साधारण तारेखमा छाड्ने, धरौटी माग्ने वा पुर्पक्षका लागि थुनामा पठाउनेमध्ये एउटा आदेश गर्नेछ ।