गगनले भने- यो चुनावले देश कसले हाँक्ने भन्ने निर्धारण गर्दैछ (भिडिओ)
नेपाल प्रेस
२०७९ मंसिर ४ गते ९:३३
काठमाडौं । नेपाली कांग्रेसका महामन्त्री गगनकुमार थापाले सांसद भएपछि पार्टीभित्र संसदीय दलको निर्वाचनको तयारी गर्ने बताएका छन् । उनी सत्तागठबन्धनबाट काठमाडौं-४ मा उम्मेदवार छन् ।
काठमाडौंको मैतिदेवीमा मतदानपछि प्रतिक्रिया दिँदै थापाले अहिलेको मत परिणामले सांसदमात्रै दिने नभएर नेपाललाई कसले हाँक्ने भन्ने निर्धारणसमेत गर्ने र त्यसको तयारी आफूले गर्ने बताए ।
‘संसदीय व्यवस्थाभित्र ठूलो परिवर्तन ल्याउनका लागि मूलधारका राजनीतिक दलहरूलाई पनि परिवर्तन गर्नुपर्नेछ । निर्वाचनपछि आउने सरकारले दिनरात नभनी काम गरे अप्ठ्यारो हुन्न । तर, विगतकै निरन्तरतालाई कायमै गरे समस्या आउन सक्छ’, थापाले भने ।
जनताको परिवर्तनको आकांक्षालाई पूरा गर्नका लागि गरेका प्रतिबद्धतालाई कार्यान्वयन गर्ने उनको भनाइ छ ।
नेपाल प्रेस
प्रकाशित: २०७९ मंसिर ४ गते ९:३३
प्रतिक्रिया
सम्बन्धित खवर
