रौतहटमा दुई गठबन्धनबीच झडप, प्रहरीद्वारा हवाई फायर

जनकपुरधाम । रौतहटको गुजारा नगरपालिका-४ स्थित मतदान केन्द्रमा सत्तारुढ गठबन्धन र नेकपा एमाले-जसपा गठबन्धनका कार्यकर्ताबीच झडप भएको छ ।

झडप सुरू भएलगत्तै स्थिति नियन्त्रणमा लिन प्रहरीले हवाई फायर गरेको हो । मतदान केन्द्रबाहिर झडप भएको र स्थिति नियन्त्रणमा लिन प्रहरीले एक राउण्ड हवाई फायर गरेको रौतहटका एसपी वीरबहादुर बुढामगरले जानकारी दिए ।

उनका अनुसार मतदान जारी रहेको छ । झडप किन भएको कुरा तत्काले बुझ्न नपाएको उनले बताए ।