कांग्रेस महामन्त्री विश्व प्रकाशको अग्रता बढ्दै, तेस्रो प्रयासमा होलान् त सफल ?
नेपाल प्रेस
२०७९ मंसिर ५ गते १९:४७
काठमाडौं । झापा क्षेत्र नम्बर १ मा नेपाली कांग्रेसका महामन्त्री विश्वप्रकाश शर्माले अग्रता बढाउँदै लगेका छन् ।
३६२७ मत गणना हुँदा शर्माले ११७६ मत ल्याएका छन् । यस्तै नेकपा एमालेका अग्नि खरेलले ११४७ मत पाएका छन् ।
राष्ट्रिय स्वतन्त्र पार्टीका ओमनाथ भण्डारीले ३५४ मत पाएका छन् ।
महामन्त्री शर्माको झापा १ मा यो तेस्रो प्रतिस्पर्धा हो ।
पहिलोपटक २०७० मा एमालेका रविन कोइरालासँग पराजित भएका शर्मा २०७४ मा वाम गठबन्धनका राम कार्कीसँग पराजित भएका थिए ।
यसपटक उनका लागि यो चुनाव जित्नै पर्ने दबाब छ ।
पार्टीको शीर्षस्थानमा पुगे पनि जनताको मतबाट निर्वाचित हुन नसकेका शर्माले यसपटक माओवादीको साथ पाएका छन् ।
उता एमाले स्थायी कमिटी सदस्य तथा पूर्वमन्त्री अग्नि खरेललाई राप्रपाको साथ रहेको छ ।
नेपाल प्रेस
प्रकाशित: २०७९ मंसिर ५ गते १९:४७
प्रतिक्रिया
सम्बन्धित खवर
