काठमाडौं १० मा राजेन्द्रको ह्याट्रिक, कांग्रेसले जोगायो राजधानीमा विरासत
नेपाल प्रेस
२०७९ मंसिर ७ गते ७:२४
काठमाडौं । काठमाडौं क्षेत्र नम्बर १० मा नेपाली कांग्रेसका नेता राजेन्द्र कुमार केसीले जितको ह्याट्रिक गरेका छन् । केसीले १४४५८ मत पाए ।उनका प्रतिद्वन्द्वी एमालेका हिमेस केसीले ११७८६ मत पाए । यस्तै माओवादीकी अञ्जना विशंखेले ५२६२ मत पाइन् ।
विजयी भएसँगै मतगणना स्थलमा पुगेका केसीले समर्थकसँग खुसी साट्दै जनताको अभिमतलाई खेर जान नदिने बताए ।
केसीले २०७०, २०७४ र २०७९ मा लगातार तीन वटा चुनाव सोही क्षेत्रबाट जितेका छन् ।
केसीको विजयसँगै काठमाडौंमा कांग्रेसले काठमाडौंका १० मध्ये ५ सीट जितेको छ ।
यसअघि कांग्रेसले २०७४ सालमा काठमाडौं क्षेत्र नम्बर १,४,६ र १० नम्बरमा जितेका थियो ।
यसपटक विगतमा एमालेले जितेको क्षेत्र नम्बर ३ र ५ मा समेत जित निकाल्दा विगतमा जित्दै आएको ६ नम्बर क्षेत्र गुमाएको छ ।
नेपाल प्रेस
प्रकाशित: २०७९ मंसिर ७ गते ७:२४
प्रतिक्रिया
सम्बन्धित खवर
