प्रदेशसभा १ अपडेट : कांग्रेसले २ र माओवादीले एक ठाउँ जित, एमाले २२ ठाउँमा अगाडि (क्षेत्रसहित)
नेपाल प्रेस
२०७९ मंसिर ७ गते १०:४७
विराटनगर । प्रदेश १ का ५६ वटा प्रदेशसभा निर्वाचन क्षेत्रमध्ये ४४ वटामा मतगणना जारी छ । तीनवटा क्षेत्रको अन्तिम परिणाम आइसकेको छ । अन्तिम परिणाम आएका क्षेत्रमध्ये कांग्रेसले २ र माओवादी केन्द्रले १ क्षेत्रमा निर्वाचन जितेका छन् । ओखलढुंगा १ मा कांग्रेसका प्रदीप सुनुवार विजयी भएका छन् भने मोरङ ५ (२) म कांग्रेसकै गयानन्द मण्डल विजयी भएका छन् ।
ओखलढुंगाको २ मा भने माओवादीका बाबुराम गौतम विजयी भएका छन् । गणना भइरहका क्षेत्रमध्ये सबैभन्दा बढी २२ निर्वाचन क्षेत्रमा एमालेले अग्रता बनाएको छ । कांग्रेसले ११ ठाउँमा लिड गरिरहेको छ ।
यस्तै माओवादी केन्द्रले प्रदेशमा गणना भएका ६ निर्वाचन क्षेत्रमा अग्रता लिएको छ । राप्रपा २ ठाउँमा अगाडि हुँदा नेकपा एसले ३ स्थानमा लिड गरेको छ । जसपाका एक उम्मेदवारले लिड गरेका छैनन् ।
झापाका १० क्षेत्रमध्ये ६ ठाउँ एमालेको अग्रता छ । कांग्रेसका उम्मेदवार २ निर्वाचन क्षेत्र र राप्रपाका उम्मेदवार २ निर्वाचन क्षेत्रमा अगाडि छन् ।
मोरङग गणना जारी ४ वटामा एमालेको अग्रता छ । कांग्रेसको २ स्थानमा अग्रता छ भने माओवादी एक निर्वाचन क्षेत्रमा अग्रता छ ।
सुनसरीमा ४ स्थानमा एमालेका उम्मेदवार अगाडि छन् । कांग्रेस एक ठाउँमा अगाडि छ ।
पहाडि जिल्ला इलामका ४ निर्वाचन क्षेत्रमध्ये समाजवादी २, कांग्रेस र एमाले १-१ स्थानमा अगाडि छन् । पाँचथरमा एमाले र माओवादीका उम्मेदवारले १-१ ठाउँमा लिड गरेका छन् । ताप्लेजुङमा प्रदेशतर्फको गणना सुरू भएको छैन ।
तेह्रथुममा २ वटा निर्वाचन क्षेत्रमध्ये एमाले र माओवादीको बराबरी अग्रता छ । संखुवासभामा एउटामात्रै निर्वाचन क्षेत्रको गणना सुरू भएकोमा एमालेका उम्मेदवार अगाडि छन् ।
धनकुटामा दुवै निर्वाचन क्षेत्रमा एमाले अगाडि छ भने । भोजपुरको १ मा नेकपा एस र २ मा कांग्रेस अगाडि छ । खोटाङका २ क्षेत्रमा कांग्रेस-एमालेले एक-एक ठाउँमा लिड गरेका छन् ।
खोटाङमा एउटामा एमाले र एउटामा नेपाली कांग्रेसका उम्मेदवार अगाडि छन् । सोलुखुम्बुमा एमाले र माओवादीले एक-एक क्षेत्रमा लिड गरेका छन् ।
उदयुरका ४ वटा निर्वाचन क्षेत्रमध्ये एउटा कांग्रेस र माओवादीको २/२ ठाउँमा अग्रता छ ।
नेपाल प्रेस
प्रकाशित: २०७९ मंसिर ७ गते १०:४७
प्रतिक्रिया
सम्बन्धित खवर
