रोल्पामा प्रदेशसभाबाट माओवादीका महरा विजयी

रुपन्देही । नेकपा माओवादीबाट मुख्यमन्त्रीको प्रचार गरिएको नेता जोखबहादुर महरा रोल्पाको प्रदेशसभा निर्वाचन क्षेत्र नम्बर १ बाट निर्वाचित भएका छन् ।

लामो समय माओवादी केन्द्रका अध्यक्ष पुष्पकमल दाहालका प्रमुख स्वकीय सचिव भएर काम गरेका महरालाई प्रचण्डले मुख्यमन्त्री बनाउने गरी प्रदेश सभामा पठाएको माओवादी नेताहरुले नै चुनावअघि बताएका थिए ।

महराले एमालेका कमलबहादुर बुढाथोकीलाई फराकिलो मतान्तरले पराजित गर्दै विजयी भएका हुन् ।

लुम्बिनी प्रदेशसभा सदस्यमा निर्वाचित महराले १९ हजार ४ सय २५ मत प्राप्त गरेका छन् । एमालेका बुढाथोकीले ५ हजार ४ सय ५ मत प्राप्त गरेका थिए । महराले १४ हजार २० मतको अन्तरले बुढाथोकीलाई पराजित गरेका हुन् । यो प्रदेशसभा निर्वाचन क्षेत्रमा राप्रपाका पदमबहादुर थापा तेस्रो भएका थिए ।