प्रचण्डले भने- म पनि युवाकालको खेलाडी हुँ (भिडिओ)

काठमाडौं । नेकपा (माओवादी केन्द्र) का अध्यक्ष पुष्पकमल दाहाल प्रचण्डले आफू युवा कालमा खेलाडी भएको बताएका छन्।

काठमाडौंको दशरथ रंगशालामा आजबाट सुरु भएको एसिया रग्बी यू–१८ सेभेन्स च्याम्पियनसिपको उद्घाटन गर्दै खेलप्रति आफ्नो रुचि भएको बताए।

उनले भने, ‘म आफैँ पनि आफ्नो युवाकालको एउटा खेलाडी थिएँ। त्यसैले मलाई खेलप्रति मेरो विशेष अभिरुचि रहेको छ। अहिले मैले मेरो जीवनमा पहिलो पटक रग्बी खेललाई प्रत्यक्ष हेर्दै छु।’

खेलले आजको दुनियाँमा विभिन्न देशका जनताको सम्बन्ध, युवाहरूको आपसी सम्बन्ध, देश र जनताबीचको सम्बन्धलाई अझ सुदृढ गर्ने माध्यम बनेको समेत बताए।