मोरक्कोविरुद्ध सुरुआती ११ मा परेनन् रोनाल्डो

काठमाडौं । कतारमा जारी फिफा विश्वकप २०२२ क्वार्टरफाइनल अन्तर्गत मोरक्कोविरुद्धको खेलमा रोनाल्डोलाई बाहिर राख्दै पोर्चुगलले सुरुआती ११ सार्वजानिक गरेको छ ।

अन्तिम १६ अन्तर्गत स्विट्जरल्यान्डविरुद्धको खेलमा पनि रोनाल्डोलाई सुरुआती ११ मा स्थान नदिएका फर्नान्डो सानतोसले आजको खेलमा पनि रोनाल्डोको स्थानमा गोन्सालो रामोसलाई खेलाएका छन् ।

रामोसले स्विटजरल्यान्डविरुद्ध पोर्चुगलले ६–१ गोलको नतिजमा जित निकालेको खेलमा ह्याट्रिक गरेका थिए । उनी जारी विश्वकपमा ह्याट्रिक गर्ने पहिलो खेलाडी बने ।

अल थुमामा रंगशालमा केहिबेरमा सुरु हुने खेलका लागि पोर्चुगलको सुरुआती ११ः
डिएगो कोस्टा, डिएगो डालट, पेपे, रुबेन डियास, राफेल गुरेरियो, रुबेन नेभिस, ओटाभियो, बु्रनो फर्नान्डेज, बरर्नार्डो सिल्भा, जाओ फेलिक्स र गोन्सालो रामोस