सोविताको प्रष्टोक्ति- मेरो बुझाइ परिष्कृत भइसक्यो, अब त्यो उदाहरण प्रयोग गर्दिनँ
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/12/sobita-e1671259433464.jpg)
काठमाडौं । राष्ट्रिय स्वतन्त्र पार्टीकी सांसद सोविता गौतमले बलात्कारसम्बन्धी विषयमा आफ्नो अभिव्यक्ति भाइरल भएपछि गल्ती स्वीकार गरेकी छन्।
चार वर्षअघि भिडिओलाई लिएर आलोचना भएपछि उनले गल्ती स्वीकारेकी हुन् ।
उनले ट्विटरमा लेखेकी छन्, ‘यौन हिंसा प्रभावितलाई हीनताबोध गराउनुभन्दा उनीहरूप्रति स्वाभाविक व्यवहार गर्दा मनोवैज्ञानिक आरोग्य र सामाजिक पुनर्स्थापना सहज हुन सक्छ भन्ने मेरो आशय हो । त्यस कुरा प्रष्ट पार्न प्रयोग गरेको उदाहरण असंवेदनशील भयो भनेर यहाँहरूले आपत्ति जनाउनुभएको कुरालाई मैले मनन गरेकी छु ।’
उनले यौन हिंसा प्रभावितलाई हीनताबोध गराउनुभन्दा उनीहरूप्रति स्वाभाविक व्यवहार गर्दा मनोवैज्ञानिक आरोग्य र सामाजिक पुनर्स्थापना सहज हुनसक्ने आफ्नो अभिव्यक्ति भएको प्रष्टाएकी छन्।
उनले भनेकी छन्, ‘चार वर्षअघिको त्यो उदाहरण आज मैले पक्कै पनि प्रयोग गर्दिनँ । किनकि, अध्ययन र अनुभवले मेरो बुझाइ अहिले परिष्कृत भएको छ । पीडित शब्दले पनि हिंसामा पर्नेलाई असर गर्छ भनेर सर्वाइवर वा प्रभावित शब्द प्रयोग गर्न थालिएको छ । यसरी नै हामीले आफ्नो बुझाइको दायरा फराकिलो बनाउने हो ।’
बलात्कारबारे सोविता गौतमको फरक दृष्टिकोणः तीन वर्षअघिको अन्तवार्ताले निम्त्यायो बहस
चार वर्षअघिको त्यो उदाहरण अहिले आफूले प्रयोग नगर्ने बताएकी छन्। अध्ययन र अनुभवले बुझाइ अहिले परिष्कृत भएको उनको ठम्याइ छ।
‘पीडित शब्दले पनि हिंसामा पर्नेलाई असर गर्छ भनेर सर्वाइवर वा प्रभावित शब्द प्रयोग गर्न थालिएको छ । यसरी नै हामीले आफ्नो बुझाइको दायरा फराकिलो बनाउने हो’ उनले भनेकी छन्।