संसदीय दलकाे नेताको उम्मेदवारी शुल्क तोक्दै कांग्रेसद्वारा संशोधित तालिका सार्वजनिक
नेपाल प्रेस
२०७९ पुष ४ गते १५:२८
काठमाडौं । नेपाली कांग्रेसले यही पुस ६ गते (बुधबार) संसदीय दलको नेता चयन गर्ने तालिकामा केही फेरबदल गरेको छ ।
कांग्रेस संसदीय दलको नेता तथा कार्यसमिति निर्वाचन समितिले संसदीय दलको नेता निर्वाचनसम्बन्धी सार्वजनिक कार्यक्रममा दलको नेताका लागि उम्मेदवारी दिन शुल्क तिर्नुपर्ने प्रावधान तोकेको छ ।
नयाँ तालिकाअनुसार उम्मेदवारले दरखास्त दिँदा ५१ हजार रुपैयाँ शुल्क बुझाउनुपर्ने भएको छ ।
अन्य कार्यक्रम भने यथावत रहेको छ ।
मतदाता नामावली प्रकाशनसँगै आज दिउँसो २ बजेबाट निर्वाचन प्रक्रिया सुरू गरिएको छ ।
आइतबार दिउँसो बसेको कांग्रेस कार्यसम्पादन समितिको बैठकले सहमहामन्त्री भीष्मराज आङ्देम्बेको संयोजकत्वमा तीन सदस्यीय निर्वाचन समिति बनाएको थियो ।
कांग्रेस संसदीय दलको नेताका लागि शेरबहादुर देउवा, शेखर कोइराला, प्रकाशमान सिंह, गगन थापालगायतले आकांक्षा देखाएका छन् ।
यस्तो छ संशोधित तालिकाः
नेपाल प्रेस
प्रकाशित: २०७९ पुष ४ गते १५:२८
प्रतिक्रिया
सम्बन्धित खवर
