प्रचण्डले भने- गठबन्धनको सरकार बन्छ, नेतृत्वबारे छलफल गर्दैछौँ (भिडिओ)

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आगामी सरकार गठबन्धनकै बन्ने दाबी गरेका छन्।

प्रतिनिधि सभा सदस्यको शपथ ग्रहण कार्यक्रमपछि संसद् भवन परिसरमा बोल्दै उनले भने, ‘सबै प्रक्रिया सहज ढंगले अघि बढेको छ। तीनै तहको निर्वाचन सफलतापूर्वक सम्पन्न भइसकेको छ। अब सरकार पनि त्यहीअनुसार बढेर काम गर्छ। गठबन्धनकै सरकार बन्छ। तर, नेतृत्वबारे छलफल गर्दै छौँ।’

गठबन्धनको सरकार बन्ने भएपनि नेतृत्वको विषयमा आफूहरू छलफलमा रहेको बताए।

गठबन्धनबाट शेरबहादुर देउवा र प्रचण्डले प्रधानमन्त्रीको दाबी गरेका छन्। चुनावी सरकारको नेतृत्व देउवाले गरेको भएकाले आलोपालो सहमति अनुसार आफूले प्रधानमन्त्री पाउनुपर्ने प्रचण्डको अडान छ।