१० दिने नेपाल भ्रमण सकेर अभिनेता विवेक ओवरोय स्वदेश फर्किए
नेपाल प्रेस
२०७९ पुष ९ गते १९:५६
काठमाडौं । १० दिने नेपाल भ्रमण सकेर भारतीय अभिनेता विवेक ओवरोय स्वदेश फर्किएका छन् । व्यवसायी पुनम यादवको पहलमा परिवारसहित नेपाल आएका ओवरोय आज स्वदेश फर्किएका हुन् ।
उनी मंसिर २८ गते नेपाल आएका थिए । व्यवसायी यादवले आफ्नै खर्च र पहलमा विवेकलाई नेपाल ल्याएकी हुन् ।
नेपालमा रहँदा उनले पशुपतिनाथको दर्शन गर्नुका साथै विभिन्न पर्यटकीय स्थलको भ्रमण गरेका थिए ।
ओवरोयले नेपालमा हुँदा पोखरामा हाई ग्रङग एड्भेन्चर्समा जिपलाइन, स्काइक्रिमर समेत गरेका थिए ।
यस्तै उनले पोखरामा रहेको अन्नपूर्ण केबलकारको भ्रमण गरेका थिए ।
ओवरोयले नेपाल बसाइका क्रममा यहाँको खाना एकदमै मिठो लागेको बताएका छन् ।
फेरि पनि नेपालको भ्रमणमा आउने ओबरोएले बताए ।
व्यवसायी यादवले आबरोयको नेपाल भ्रमणले नेपालको पर्यटन प्रवर्द्धनमा टेवा पुग्ने विश्वास व्यक्त गरेकी छन् ।
आगामी दिनमा नेपालका पर्यटकीय स्थलहरुको प्रचार प्रसारका लागि आफ्नोतर्फबाट सम्पूर्ण पहल गर्ने पनि उनले बताएकी छन् ।
तस्बिरहरू : सुरज धामी
नेपाल प्रेस
प्रकाशित: २०७९ पुष ९ गते १९:५६
प्रतिक्रिया
सम्बन्धित खवर
