इन्धन ट्याङ्कर विस्फोट हुँदा १० जनाको मृत्यु
नेपाल प्रेस
२०७९ पुष १० गते ९:०३
जोहानेसबर्ग । दक्षिण अफ्रिकी सहर बोक्सबर्गमा इन्धन ट्याङ्कर विस्फोट हुँदा १० जनाको मृत्यु हुनुका साथै अन्य ४० जना घाइते भएका छन् ।
तरल पेट्रोलियम ग्यास (एलपीजी) ढुवानी गरेको ट्याङ्कर शनिवार बिहान अस्पताल र घर नजिकैको पुलमुनि विस्फोट भएको थियो ।
‘पुलमुनि ट्याङ्कर फसेको भन्ने फोन पायौँ। आगो निभाउन अग्नि नियन्त्रकहरूलाई बोलाइएको थियो । दुर्भाग्यवश, ट्याङ्कर विस्फोट भयो’, उक्त क्षेत्रका आपत्कालीन सेवाका प्रवक्ता विलियम एनटलाडीले भने ।
घाइतेमध्ये २० जनाको अवस्था गम्भीर रहेको प्राप्त विवरणहरूमा जनाइएको छ ।
नेपाल प्रेस
प्रकाशित: २०७९ पुष १० गते ९:०३
प्रतिक्रिया
सम्बन्धित खवर
