कांग्रेस लक्षित प्रचण्ड सचिवालयको टिप्पणी- कमजोर हुँदा सहमति, ठूलो भएपछि असहमति

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को सचिवालयले गठबन्धनको सबैभन्दा ठूलो घटक कांग्रेसले सहमति तोड्न खोजेपछि असन्तुष्टि जनाएको छ ।

चुनावअघि देउवा र प्रचण्डबीच नयाँ सरकारको नेतृत्व आफूले गर्ने सहमति भएको प्रचण्डले बताउँदै आएका छन् ।

प्रचण्डका स्वकीय सचिव रमेश मल्लले ट्वीटरमा लेखेका छन्, ‘नेपाली राजनितिको एउटा खराब चित्र र चरित्र यस्तो हुँदै आयो, आफू तल पर्दा एउटा सहमति गर्ने तर आफू माथि पुगे भन्ने भान पर्न थाल्दा सहमति तोडिहाल्ने । पछिल्लो घटनाक्रमले के देखाउँछ कि इतिहासको फेरि दु:खान्त पुनरावृत्ति हाम्रा सामु छ ।’

कांग्रेसले पनि आफू कमजोर हुँदासम्म सहमति गरेर माथि पुग्नासाथ सहमति तोड्न खोजेको आरोप लगाएको छ । यद्यपि, अहिले बालुवाटारमा देउवा, प्रचण्ड र माधव नेपालबीच निर्णायक छलफल चलिरहेको छ ।

नेपाली राजनितिको एउटा खराव चित्र र चरित्र यस्तो हुँदै आयो, आफू तल पर्दा एउटा सहमती गर्ने तर आफु माथी पुगे भन्ने भान पर्न थाल्दा सहमती तोडिहाल्ने ।
पछिल्लो घटनाक्रमले के देखाउछ कि ईतिहासको फेरि दुखान्त पुनरावृती हाम्रा सामु छ।

— Ramesh Malla (@Rameshmalla035) December 25, 2022