मकवानपुरमा ट्रकले मोटरसाइकललाई ठक्कर दिँदा एकको मृत्यु, दुई गम्भीर घाइते

हेटौँडा । मकवानपुरको बकैया गाउँपालिका वडा नंबर ५ स्थित धरान–चतरा सडकमा ट्रकले मोटरसाइकललाई ठक्कर दिँदा मोटरसाइकलमा सवार एकजनाको मृत्यु भएको छ ।  भने ट्रक र मोटरसाइकलमा रहेका थप तीनजना घाइते भएका छन् । घाइते मध्ये दुईको अवस्था गम्भीर रहेको छ ।

जिल्ला सदरमुकाम हेटौँडाबाट फापरबाीतर्फ जाँदै गरेको ना ७ ख १३५२ नम्बरको सिमेन्ट लोड गरेको ट्रकले सोही दिशातर्फ जाँदै गरेको ना २२ प ९९७७ नंबरको मोटरसाइकललाई ठक्कर दिँदा मोटरसाइकलमा सवार हेटौँडा –१८ का ३० वर्षीय विक्रम भोम्जनको  हेटौँडा अस्पतालमा उपचारको क्रममा मृत्यु भएको जिल्ला प्रहरी कार्यालय मकवानपुरका प्रवक्ता एवम डिएसपी टेकबहादुर कार्कीले बताए ।

मोटरसाइकलमा सवार हेटौँडा १८ की ३५ वर्षीय हिरामाया लोप्चन तथा ट्रकमा सबार २०–२५ वर्षका (नाम नखुलेका) पुरुष गम्भीर घाइते भएको डिएसपी कार्कीले बताएका छन् । ट्रक चालक निजगढ–९ का सुर्य बहादुर घिमिरे पनि घाइते रहेको र सबै घाइतेको उपचार भैरहेको डिएसपी कार्कीले बताए ।