तरुण दलको कार्यसमिति विस्तारबारे देउवासँग अध्यक्ष गुरुङको छलफल
नेपाल प्रेस
२०७९ पुष २० गते १२:४८
काठमाडौं । नेपाल तरुण दलका अध्यक्ष विद्धान गुरुङले केन्द्रीय कार्यसमिति विस्तार गर्ने सन्दर्भमा पार्टी सभापति शेरबहादुर देउवासँग छलफल गरेका छन् ।
देउवा निवास धुम्बाराहीमा भएको छलफलमा तरुण दललाई विस्तार गरेर संगठन देशव्यापी रूपमा चलायमान बनाउनेबारे कुरा भएको थियो ।
सभापति देउवाले तरुण दल विस्तार गर्ने सन्दर्भमा सकारात्मक प्रतिक्रिया दिएको अध्यक्ष गुरुङले बताए ।
भेटमा कांग्रेसलाई सशक्त बनाउन तरुण दलको विस्तार जरुरी रहेको उनले बताए । गुरुङबाहेक तरुण दलमा अरू कार्य समिति सदस्य तोकिएका छैनन् ।
नेपाल प्रेस
प्रकाशित: २०७९ पुष २० गते १२:४८
प्रतिक्रिया
सम्बन्धित खवर
