नापोलीको पहिलो हार
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/01/128201612_gettyimages-1246000134.jpg)
काठमाडौं । इटालिनय सिरी ए को शीर्ष टोली नापोलीले सिजनको पहिलो हार बेहोरेको छ । इडेन जेकोको एक मात्र गोलमा इन्टर मिलानले बुधवार राति नापोलीलाई १–० ले हराएको हो ।
पहिलो हाफमा फेर्डिको डिमार्को र रोमेलु लुकाकुले गोलको अवसर गुमाउँदा इन्टरले अग्रता लिने अवसर गुमाएको थियो ।
अप्रिल २०२२ मा इम्पोलीलाई ३–२ को नतिजा सुम्पिएपछि सिरी ए मा नापोलीको यो पहिलो हार हो । जारी सिजन सिरी ए ले १५ खेलमा १३ जित र दुई बराबरीको नतिजा निकालेको थियो ।
नापोली १६ खेलमा ४१ अंकसहित शीर्ष स्थानमा यथावत् छ । दोस्रो स्थानको एसी मिलानभन्दा पाँच अंक बढी हो । तेस्रो स्थानको युभेन्टसको ३४ र चौथो स्थानको ३३ अंक छ । पाँचौँ स्थानको लाजियोको ३० अंक छ ।