शिक्षक सेवा आयोगद्वारा माध्यमिक तहमा स्थायी शिक्षकका लागि विज्ञापन खुला

काठमाडौं । शिक्षक सेवा आयोगले माध्यमिक तह तृतीय श्रेणीका स्थायी शिक्षक पदपूर्तिका लागि विज्ञापन खुला गरेको छ । आयोगले विभिन्न विषयका ६८६ शिक्षकको पदपूर्तिका लागि विज्ञापन खुला गरेको हो ।

आयोगको पुस २४ गतेको निर्णयअनुसार सामुदायिक विद्यालयको माध्यमिक तह तृतिय श्रेणी, शिक्षक पदको स्थायी पदपूर्तिका लागि खुला तथा समावेशी कोटामा इच्छुक उम्मेदवारहरुले पुस २५ गतेदेखि माघ २४ गतेसम्म अनलाइन दरखास्त आह्वान गरिएको छ ।

मान्यता प्राप्त शिक्षण संस्थाबाट सम्वन्धित विषयमा स्नातक वा सो सरहको परिक्षा उत्तिर्ण गरेका र माध्यमिक तहको स्थायी अध्यापन अनुमतिपत्र गरेका नेपाली नागरिकले उम्मेदवारी दिन सक्नेछन् ।