रक्सी खाएर प्रहरीमाथि अभद्र व्यवहार गर्ने लेखा अधिकृत पक्राउ

सुर्खेत । हुम्लाको चंखेली गाउँपालिकाका लेखा अधिकृत नविन रेग्मीलाई प्रहरीले पक्राउ गरेको छ । रेग्मीले मादक पदार्थ सेवन गरी ड्टयुटीका प्रहरीमाथि अभद्र व्यवहार गरेपछि जिल्ला प्रहरी कार्यालय सुर्खेतले पक्राउ गरेको हाे ।

वीरेन्द्रनगरस्थित मंगलगढी चोकमा ट्राफिक चेकजाँचका क्रममा रेग्मीले प्रहरीसँग अभद्र व्यवहार गरेको प्रहरी नायव निरीक्षक जयराम घर्तीले जानकारी दिए ।

घर्तीका अनुसार मापसे गरी मोटरसाइकल चलाएका रेग्मीले ड्युटीमा खटिएका प्रहरीसँग अपशब्द प्रयोग गरेका थिए ।

रेग्मीले चलाएको कर्णाली प्रदेश ००२-००१ प २९६ नम्बर मोटरसाईकल समेत प्रहरीको नियन्त्रणमा रहेको छ ।