नेसनल प्याब्सनको २५औं स्थापना दिवस तथा रजत महोत्सव सम्पन्न

काठमाडौं । नेसनल प्याब्सनको २५औं स्थापना दिवस तथा रजत महोत्सव सम्पन्न भएको छ । बुधबार काठमाडौंको राष्ट्रिय सभा गृह भृकुटी मण्डपमा प्याब्सनले आफ्नो २५औं स्थापना दिवस तथा रजत महोत्सव सम्पन्न गरेको हो ।

समारोहमा लोक नृत्य प्रतियोगिता र वक्तृत्वकला प्रतियोगिता आयोजना गरिएको थियो । उक्त प्रतियोगितामा भाग लिएका विध्यार्थीलाई नगद तथा सान्त्वना पुरस्कार प्रदान गरिएको थियो । कार्यक्रममा मन्त्रि अब्दुल खान प्रमुख अतिथि रहेका थिए ।

कार्यक्रममा अतिथि खानले वर्तमान सरकार निजी विद्यालयको स्थायित्वका लागि मिलेर काम गरिरहेको बताउँदै मुलुकको शिक्षा क्षेत्र तथा निजी विद्यालयको उन्नतिका लागि धारणा पत्र माग गरेका थिए । उनले प्राप्त धारणा पत्र अनुसार नै शिक्षा नीति अवलम्बन गरिने आश्वासन समेत दिएका थिए ।