वागमती प्रदेश : सभामुख पाठकले लिए सपथ
नेपाल प्रेस
२०७९ पुष २९ गते १५:२२
हेटौँडा । वागमती प्रदेशका नवनिर्वाचित सभामुख भुवन पाठकले सपथग्रहण गरेका छन् । केहीबेर अघि मात्र सभामुखमा निर्वाचित भएका सभामुख पाठकले सपथग्रहण गरेका हुन् ।
प्रदेश प्रमुखको कार्यालय हेटौँडामा भएको कार्यक्रममा पाठकलाई प्रदेश प्रमुख यादवचन्द्र शर्माले पद तथा गोपनियताको सपथग्रहण गराएका हुन् ।
राप्रपाका केन्द्रीय महामन्त्री समेत रहेका पाठक ६२ मत ल्याउँदै आज वागमती प्रदेशको दोश्रो सभामुखमा निर्वाचित भएका हुन् । पाठकलाई सत्तारुढ दल नेकपा एमाले, नेकपा माओवादी केन्द्र तथा सत्ता समर्थक हाम्रो नेपाली पार्टीका सांसदहरुले सभामुखमा समर्थन गरेका थिए ।
नेपाल प्रेस
प्रकाशित: २०७९ पुष २९ गते १५:२२
प्रतिक्रिया
सम्बन्धित खवर
