सभामुख उम्मेदवार उठाउनुअघि कांग्रेसले प्रधानमन्त्रीलाई पर्खिने, अरु दलसँग पनि सल्लाह गर्ने
नेपाल प्रेस
२०७९ माघ ४ गते ११:२६
काठमाडौं । नेपाली कांग्रेसले सभामुखको उम्मेदवार टुंग्याउनुअघि अरु दलसँग पनि छलफल गर्ने भएको छ ।
धुम्बाराहीमा बसेको पदाधिकारी बैठकले अरु दलसँग छलफल गरेर उम्मेवारी दर्ता गर्ने निर्णय भएको प्रवक्ता प्रकाशशरण महतले बताए ।
उनले भने, ‘कुन-कुन दलको समर्थन लिन सकिन्छ भनेर हामी छलफल गर्छौं । उम्मेदवारको विषयमा आन्तरिक कुराकानी भइरहेको छ ।’
महतले प्रधानमन्त्री प्रचण्डले सल्लाह गर्ने बताएकाले अझै पनि पर्खिने जानकारी दिए ।
पदाधिकारी बैठकअघि सभापति शेरबहादुर देउवाले नेकपा एकीकृत समाजवादीका अध्यक्ष माधव नेपाल र जसपा अध्यक्ष उपेन्द्र यादवसँग भेटवार्ता गरेका थिए ।
नेपाल प्रेस
प्रकाशित: २०७९ माघ ४ गते ११:२६
प्रतिक्रिया
सम्बन्धित खवर
