गीतकार डा. अधिकारीको गजल ‘जिउने चाहना’ मा केकी

काठमाडौं । गायक थानेश्वर गौतमको स्वर तथा संगीत रहेको जिउने चाहना बोलको गजलको भिडिओ रिलिज गरिएको छ । डा. रमिल अधिकारीका शब्द सृजना रहेको गजलको भिडिओ उनले आफ्नो जन्मदिनको अवसर पारेर बजारमा ल्याएका हुन् ।

डा. अधिकारीले आफ्नो जन्मदिनको अवसर पारेर रिलिज गरेको भिडिओमा गीतकार स्वयम् र नायिका केकी अधिकारीको अभिनय देख्न सकिन्छ । एक प्रेमील जोडीबीचको प्रेम र विरहको कथालाई निर्देशक प्रकाश धितालले कलात्मक शैलीमा देखाएका छन् । नरेन्द्र वियोगीको एरेन्ज रहेको गजलको छायांकन उत्सव दाहालले गरेका हुन् भने सम्पादन विका दाहालको रहेको छ ।

गीतकार पोखरेली युवा डाक्टर अधिकारी न्युजल्याण्डको स्वास्थ्यमन्त्रालयको प्रमुख सल्लाहाकारका रूपमा कार्यरत छन् । न्युजल्याण्डको स्वास्थ्य मन्त्रालयको कोभिड डिरेक्टोरिएटमा आबद्ध उनी नेपाल सरकारको तर्फबाट न्युजल्याण्डका लागि पर्यटनदूतका रूपमा पनि कार्यरत छन् ।

सार्वजनिक गीत गीतकार डाक्टर अधिकारीकै अफिसियल च्यानल रमिल क्रियशनबाट बजारमा आएको हो ।