प्रचण्डको प्रतिवेदनमाथि धारणा राख्न ७ मिनेटको समय

काठमाडौं । नेकपा माओवादी केन्द्रको स्थायी कमिटीको बैठकमा अध्यक्ष पुष्पकमल दाहाल ‘प्रचण्ड’ ले पेश गरेको प्रतिवेदनमाथि धारणा राख्न समय निर्धारण भएको छ ।

अध्यक्षको प्रतिवेदनमाथि धारणा राख्न ७/७ मिनेटको समय तोकिएको हो । नेताहरूलाई बोल्न समय निर्धारण भएपनि हिजोबाट सुरु बैठक लम्बिनसक्ने देखिएको छ ।

प्रधानमन्त्रीसमेत रहेका अध्यक्ष प्रचण्डले बिहीबारको बैठकमा राजनीतिक प्रतिवेदन पेस गरेका थिए । प्रतिवेदनमाथि छलफल जारी छ ।

प्रचण्डले राष्ट्रपतिको निर्वाचनमा कसरी अगाडि बढ्ने भन्ने विषयमा स्थायी कमिटी सदस्यहरूसँग राय मागेका थिए ।