जाडोयाममा पनि व्यस्त धनकुटाको नमस्ते झरना (तस्बिरहरु)

धनकुटा । भेडेटार क्षेत्रको एक प्रमुख आकर्षक गन्तव्य नमस्ते झरना मुलतः गर्मीयाममा व्यस्त हुन्छ। धरान, इटहरी र विराटनगर जस्ता प्रदेश १ का प्रमुख सहरहरुबाट मात्रै होइन सिमापारीका भारतीय आगन्तुकहरुको गन्तव्य नमस्ते झरना हो।

कोसी राजमार्गबाट आधा घन्टाको पैदलमार्गबाट पुगिने यो झरनामा जाडोमा पनि उतिकै भीड हुन्छ । टिकट काउन्टरकी कर्मचारी शशी राईले पुस माघको जाडोमा पनि झरना हेर्न आउने नरोकिएको बताइन्।

उनले भनिन,‘दिनको ५० आसपास मान्छे त आउछन् ।’ स्थानीय लिम्बु भाषामा ‘सिम्सुवा’ भनिने यो झरना ८० मिटर हाराहारी अग्लो छ। झरना पुग्ने ट्र्याक बनेको छ। प्रवेश स्वदेशीलाई ४० र विदेशीलाई ८० प्रति व्यक्ति तोकिएको छ।