ससुराली जाने क्रममा भीरबाट लडेर वृद्धको मृत्यु
नेपाल प्रेस
२०७९ फागुन ३ गते ९:०९
सांकेतिक तस्विर
पाँचथर । पाँचथरमा भीरबाट लड्दा वृद्धको मृत्यु भएको छ । मिक्लाजुङ गाउँपालिका– ७ स्थित भीरबाट लड्दा ७३ वर्षीय हस्तबहादुर लिम्बूको मृत्यु भएको हो ।
जिल्ला प्रहरी कार्यालय पाँचथरका सूचना अधिकारी सन्तोष राईका अनुसार श्रीमती सरिता लिम्बू र २ जना छोराछोरीसहित पाँचथर ससुराली घर आउने क्रममा गत माघ २९ गते भीरबाट लडेर उनको निधन भएको हो ।
भीरबाट लडेका हस्तबहादुरको मङ्गलवार मात्रै शव भेटिएको हो ।
प्रहरी चौकी खान्द्रोङबाट खटेका प्रहरी र स्थानीयले खोजी गर्दा भीरबाट लडेका हस्तबहादुरलाई शव फेला पारेको हो ।
प्रहरीले आवश्यक कानुनी प्रक्रिया पुरा गरी शवलाई आफन्तजनलाई जिम्मा लगाएको छ ।
नेपाल प्रेस
प्रकाशित: २०७९ फागुन ३ गते ९:०९
प्रतिक्रिया
सम्बन्धित खवर
